ფილიპინებში ტროპიკულმა შტორმმა 200-მდე ადამიანი იმსხვერპლა
ტროპიკულმა შტორმმა სამხრეთ ფილიპინებში ორი დღის განმავლობაში 200-ზე მეტი ადამიანი იმსხვერპლა. წყლის უხვმა ნაკადმა და მეწყერმა მთლიანად გაანადგურა რამდენიმე სოფელი. შტორმის ეპიცენტრი კუნძული მინდანაო აღმოჩნდა.
ტაიფუნ „ტემბინის“ სიჩქარე ფილიპინების სამხრეთ-აღმოსავლეთით გაიზარდა. დღეს კი ქარის სიჩქარემ საათში 105 კმ-ს მიაღწია. ცალკეულ რაიონებში კი საათში 145 კმ დაფიქსირდა.
სინოპტიკოსების ცნობით, ტაიფუნი ჩრდილოეთისკენ მიემართება. ვიეტნამში მაშველებმა ქვეყნის სამხრეთ რაიონებიდან მილიონამდე მცხოვრების ევაკუაცია განახორციელეს.
