თურქეთში ISIS-თან კავშირის ბრალდებით საქართველოს მოქალაქეები დააკავეს
თურქეთში ისლამური სახელმწიფოს დაჯგუფებასთან კავშირის ბრალდებით საქართველოს მოქალაქე ცოლ-ქმარი დააკავეს.
თურქული მედიის ინფორმაციით, სპეცოპერაცია ტრაბზონის პროვინციის ანტიტერორისტულმა დანაყოფმა ჩაატარა. დაკავებული ცოლ-ქმარის სახლში საერთაშორისო ქსელთან დაკავშირებული სხვადასხვა სახის დოკუმენტები ამოიღეს.
ამავე ინფორმაციით, საქართველოს მოქალაქეები თურქეთის ტერიტორიაზე უკანონოდ იმყოფებოდნენ.
