რუსეთის ავიაციამ სირიაში მორიგი ავიადარტყმები განახორციელა
რუსეთის ავიაციამ ”ისლამური სახელმწიფოს” ობიქტებზე სირიის ქალაქებში რაქაში, დეირ-ეზ-ზორში, ალეპოსა და იდლიბში მორიგი მასირებული ავიადარტყმები განახორციელა.
რუსეთის შეიარაღებული ძალების გენერალური შტაბის განცხადებით, ავიაიერიშების შედეგად განადგურდა სამი სამეთაურო პუნქტი, საბრძოლო იარაღის ორი საწყობი და ტერორისტების საველე ბანაკი. შესრულდა 59 საბრძოლო გაფრენა, რომლის შედეგად 149 ობიექტი მთლიანად განადგურდა.
რუსულმა ავიაციამ ტერორისტების წინააღმდეგ ავიაიერიშები მას შემდეგ გააქტიურა, რაც რუსეთის უშიშროების სამსახურმა A321-ის კატატსროფა ტერაქტად აღიარა.
