უცნობმა მამაკაცმა ბოსნიის დედაქალაქ სარაევოში ორი ჯარისკაცი მოკლა. Associated Press-ის ინფორმაციით, ამის შემდეგ ის სახლისკენ გაემართა და გზად ავტობუსი დაცხრილა. შუშის ნამსხვრევებისგან მძღოლი და ორი მგზავრი დაშავდა.

ქალაქის პოლიციის ცნობით, მომხდსრის შემდეგ მამსკაცმა საკუთარ სახლში თავი აიფეთქა.

ხელისუფლება გამოძიების დასრულებამდე ინციდენტს ტერაქტად ვერ აფასებს. თუმცა ქვეყნის პრემიერ-მინისტრმა დენის ზვეზდიჩმა თავდასხმას ”სახელმწიფოზე შეტევა” უწოდა.

თვითმხილველთა თქმით, თავდამსხმელს თავზე არაბულსიმბოლებიანი მოსახვევი ეკეთა. მთელი ქვეყნის ტერიტორიაზე არსებულ სამხედრო ნაწილებში გამკაცრებულია კონტროლის რეჟიმი.