20 დაღუპული, 60 დაშავებული - თავდასხმა ტრიპოლის აეროპორტზე
ლიბიის დედაქალაქ ტრიპოლის აეროპორტზე შეიარაღებული თავდასხმა განხორციელდა. შედეგად, 20 ადამიანი დაიღუპა, 60 კი დაშავდა.
რამდენიმე მათგანის მდგომარეობა კრიტიკულია, რის გამოც მსხვერპლი შესაძლოა კიდევ გაიზარდოს.
წინასწარი ვერსიით, აეროპორტს თავს დაჯგუფება „ალ-ბაქარას“ მებრძოლები დაესხნენ, რომელსაც ლიბიის აღმოსავლეთიდან დევნილი რადიკალები შეუერთდნენ.
