ფილიპინებზე ვულკანი ამოიფრქვა
ფილიპინებზე ვულკანი მაიონი ამოიფრქვა.
Associated Press-ის ცნობით, ფერფლი სამი კმ-ის სიმაღლეზე გავრცელდა, რის გამოც უახლოესი ქალაქების ქუჩებში ხილვადობა ფაქტობრივად ნულის ტოლი იყო.
ადგილობრივმა ხელისუფლებამ საფრთხის მეოთხე დონე დააფიქსირა. უახლოეს დღეებში შესაძლოა კიდევ უფრო მძლავრი ამოფრქვევა მოხდეს.
ევაკუაციის ზონა ვულკანის გარშემო 8 კმ-ით გაფართოვდა და ათასს ადამიანს შეეხო.
ამ მომენტისთვის დროებით თავშესაფარში 30 ათასზე მეტი ადამიანი იმყოფება. დაშავებულების შესახებ ინფორმაცია არ ვრცელდება.
