ჰარვი ვაინშტაინის სკანდალის შემდეგ ძალადობაზე ჰოლივუდში უკვე ყოველ ნაბიჯზე საუბრობენ. ახლა ბრალდებებით თავს 61 წლის ამერიკელ ილუზიონისტ დევიდ კოპერფილდსაც დაესხნენ.

ყოფილი მოდელი ბრიტნი ლიუისი, რომელიც ახლა უკვე 40 წლისაა, The Wrap-ის ჟურნალისტებს იმ ინციდენტის შესახებ უამბო, რომელიც მას ახალგაზრდობაში გადახდა. მისი თქმით, როდესაც ის 17 წლის იყო, დევიდ კოპერფილდი მის გაუპატიურებას ცდილობდა.

 „მახსოვს, როგორ გამხადა ტანსაცმელი. ჯერ სახეზე მკოცნიდა, შემდეგ კი ქვემოთ და ქვემოთ გადაინაცვლა. ამის შემდეგ გონება დავკარგე“, - ამბობს ბრიტნი.

ბრიტნიმ ილუზიონისტი 1998 წელს, სილამაზის კონსკურსზე გაიცნო, სადაც დევიდი ჟიურის წევრი იყო.

კონკურსის შემდეგ მან გოგონა თავის შოუზე მიიწვია, მოდელის მშობლებს კი მის უსაფრთხოებას დაპირდა. როდესაც შოუ დასრულდა, ილუზიონისტი და 17 წლის მოდელი ბარში წავიდნენ. გოგონას თქმით, კოპერფილდმა მას სასმელში რაღაც ჩაუყარა. დილით ბრიტნიმ საწოლში ილუზიონისტთან ერთად გაიღვიძა.

 „მას სურდა, მეფიქრა, რომ ჩვენს შორის არაფერი მომხდარა. მითხრა რომ სექსი არ ყოფილა. მართალია კვალი არ ჩანდა, მაგრამ მას პრეზერვატივის გამოყენება შეეძლო“, - აღნიშნა ბრიტნიმ.