მათი მზერა მილიონობით გულს კლავს და სისხლს აღელვებს.

ეს თურქი მსახიობები იმდენად ლამაზები არიან, რომ არაერთი თაყვანისმცემლის გული დაიპყრეს.

მაშ, ასე, ყველაზე პოპულარული თურქი მსახიობების ხუთეული ასე გამოიყურება:

ბურაქ ოზჩივიტი

ბურაქმა მოღვაწეობა მოდელის კარიერით დაიწყო. მან თურქეთის საუკეთესო მოდელის წოდებაც დაიმსახურა. თუმცა შემდეგ ძალების მოსინჯვა კინოშიც სცადა, რამაც წარმოუდგენელი პოპულარობა და სიყვარული მოუტანა. განსაკუთრებით წარმატებული აღმოჩნდა სერიალი "შენი ზოდიაქოს ფერი", სადაც  მან მთავარი როლი შეასრულა. 2017 წელს ბურაქ ოზჩივიტი მსახიობ ფაჰრიე ევჯენზე დაქორწინდა. 

ჩარათაი ულუსოი

ეს სიმპატიური ბიჭი 188 სმ სიმაღლისაა და მშვენიერი გარეგნული თვისებებით ბავშვობიდანვე გამოირჩეოდა. ის ყოველთვის დაკავებული იყო სპორტით, განსაკუთრებით უყვარდა კალათბურთი, რაც მას შესანიშნავი ფორმის შენარჩუნებაში დაეხმარა.

სკოლის დასრულების შემდეგ ლანდშაფტის დიზაინერის პროფესიას დაეუფლა. უნივერსიტეტში სწავლის დროს ის სამსახიობო ოსტატობით დაინტერესდა და სამსახიობო კურსებზე ჩააბარა.

ამჟამად მსახიობს სერიოზული ურთიერთობა არავისთან აქვს. ის ამბობს, რომ ელოდება იმ ერთადერთს, რომელსაც მთელი გულით შეიყვარებს და მასთან დიდ ოჯახს შექმნის.

ქივანჩ ტატლიტუგი

ამ მსახიობს „თურქ ბრედ პიტს“ უწოდებენ. და გასაკვირი არ არის, ის გარეგნულად ჰოლივუდის მსახიობს მართლაც გავს.

ცისფერთვალება სიმპატიურ მსახიობს სექს-სიმბოლოდ არამხოლოდ თურქეთში, მის საზღვრებს გარეთაც აღიარებენ. ის თურქეთისა და მსოფლიო საუკეთესო მოდელადაც აღიარეს. ამბობენ, რომ მსახიობი სიყვარულის გარეშე ვერ ძლებს და მრავალრიცხოვან რომანებზე უარს არ ამბობს.  

ენგინ აქიურექი

ამ აღმოსავლელმა სიმპატიურმა ბიჭმა სახელი  შოუში „თურქეთის ვარსკვლავები“ მონაწილეობით გაითქვა.  

ის „საუკეთესო მსახიობის“ ნომინაციაში მონაწილეობდა და სერიალში „უცხოელი სიძე“ პირველი როლი მიიღო. ახლა ენგინი დაქორწინებული არ არის და ამბობს, რომ მთელს დროს შემოქმედებას უთმობს.

ჰალით ერგენჩი

პირველად ჰალით ერგენჩი მილიონობით ქალმა სერიალში „1001 ღამე“ ონურ აქსალის, შემდეგ კი „დიდებულ საუკუნეში“ სულეიმან სულთნის როლით შეიყვარა.

მსახიობი დაქორწინებული იყო ტელეწამყვან სოიასალდ გიჯემზე, მაგრამ „1001 ღამის“ გადაღებებზე მას თავისი პარტნიორი ბერგიუზარ ქორელი შეუყვარდა და ცოლს გაშორდა.