მსახიობი და გაეროს კეთილი ნების ელჩი ანჯელინა ჯოლი ქალიშვილებთან -შაილოსა და ზახარისთან ერთად იორდანიაში იძულებით გადაადგილებულთა ბანაკს ესტუმრა.

მსახიობი სირიელ ბავშვებს შეხვდა და სიტყვით გამოვიდა და  საერთაშორისო  თანამეგობრობას მოუწოდა ომის დასრულებისთვის ყველა ღონეს მიმართოს.

„შვიდწლიანი ომის შემდეგ სირიელი ლტოლვილების უმეტესობამ დახარჯა მთელი დანაზოგი, რაც კი ქჰონდა. ისინი უკვე სიღარიბის ზღვარს ქვემოთ ცხოვრობენ, თითოეული მათგანის დღიური ნორმა სამ დოლარზე ნაკლებს შეადგენს. წარმოიდგინეთ თქვენი თავი მათ ადგილზე. ოჯახები შიმშილობენ, ბავშვები ვერ იღებენ სამედიცინო დახმარებას, ახალგაზრდა გოგონები კი იძულებულნი არიან ადრეულ ასაკში გათხოვდნენ. ბევრი სირიელი კი ზამთარში თავშესაფრის გარეშეა დარჩენილი,“ - განაცხადა ჯოლიმ.   

ჯოლიმ ასევე აღნიშნა, რომ იორდანიამ და სირიის მოსაზღვრე სხვა ქვეყნებმა ერთ წელიწადში 5,5 მლნ ლტოლვილი მიიღეს.

მსახიობის აზრით, ამ სახელმწიფოებს მსოფლიმ უნდა მიბაძოს. ანჯელინა ჯოლიმ  ჰუმანიტარულ მხარდაჭერაში  თავის შვილებიც ჩართო. შაილო დედასთნ ერთად ლტოლვილების ბანაკში უკვე მესამედ იყო, ზახარი კი ბანაკს პირველად ესტუმრა.