ბრაზილიის პრეზიდენტს პენსია შეუწყვიტეს
ბრაზილიის სან-პაულუს შტატის ხელისუფლებამ პრეზიდენტ მიშელ ტემერს პენსია შეუწყვიტა, რადგან ქვეყნის ლიდერმა ვერ წარადგინა საბუთები, რომელიც დაამტკიცებდა, რომ ის ცოცხალია.
სააგენტო Telam-ის ცნობით, ტემერს საბუთები ჯერ კიდევ სექტემბერში უნდა ჩაებარებინა. ამიტომ ნოემბრისა და დეკემბრის პენსია ვერ აიღო.
ტემერი პენსიაზე 1999 წელს გავიდა, როდესაც სან-პაულუს შტატის პროკურორის თანამდებობაზე მუშაობდა.
