დიდი ხნის განმავლობაში ჯიმ კერი მონაწილეობდა ყოფილი მეგობარი ქალის კატრიონა უაიტის თვითმკვლელობის საქმეზე მიმდინარე სასამართლო განხილვაში.
გარდაცვლილის ნათესავები აცხადებდნენ, რომ სწორედ ჰოლივუდის მსახიობია დამნაშავე გოგონას სიკვდილში. მათი თქმით,  გოგონამ ჯიმს სიკვდილის წინ წერილი დაუტოვა, რომელშიც მას სიყვარულს ეფიცებოდა.

მსახიობი, როგორც შეეძლო თავისი სახელის დაცვას ცდილობდა და ბოლოსდაბოლოს შეძლო კიდეც.

კატრიონას დედა აცხადებდა, რომ სიკვდილის წინ ჯიმმა მის ქალიშვილს ვენერიული დაავადება გადასდო, მაგრამ მსახიობი კატეგორიულად უარყოფდა.

სასამართლოში კერის ადვოკატმა რაიმონდ ბაუჩერმა წარმოადგინა მტკიცებულება, რომ კატრიონას ანალიზების შედეგები ყალბი იყო და ის უაიტის მეგობარმა გააყალბა.

 ჯერ კიდევ 2013 წელს კატრიონა მსახიობს ემუქრებოდა მას დოკუმენტების გავრცელებით, თუ ის მას მსხვილ თანხას არ გადაუხდიდა. კატრიონას სიკვდილის შემდეგ კი ეს დოკუმენტები გოგონას მშობლებმა საქმეს თან დაურთეს.

ლოს-ანჯელესის უმაღლესმა სასამართლომ ჯიმ კერი პასუხისმგებლობისგან გაათავისუფლა.

გარდაცვლილის ადვოკატები და ნათესავები საქმესთან დაკავშირებით კომენტარს არ აკეთებენ, ისინი დარწმუნებულნი იყვნენ თავიანთ გამარჯვებაში, თუმცა კერი მეგობარი ქალის თვითმკვლელობაში უდანაშაულო აღმოჩნდა.

ჯიმ კერის ვერც ის ბრალდება დაუმტკიცდა, თითქოს ის კატრიონას პრეპარატებს ასმევდა, რომელმაც გოგონას თვითმკვლელობისკენ უბიძგა.