რომის პაპი ფრანცისკე და თურქეთის პრეზიდენტი რეჯებ ტაიპ ერდოღანი ვატიკანში შეხვედრაზე აშშ-ის მიერ ისრაელის დედაქალაქად იერუსალიმის აღიარების შესახებ ისაუბრეს და ქალაქის ახლანდელი სტატუსის შენარჩუნებას დაუჭირეს მხარი. ამის შესახებ სააგენტო Anadolu იუწყება.

სააგენტოს ცნობით, მხარეებმა ვაშინგტონის პოლიტიკის ნეგატიურ შედეგებს გაუსვეს ხაზი.

 მათ ხაზგასმით აღნიშნეს, რომ აუცილებელია იერუსალიმის სტატუსის შენარჩუნება გაეროს რეზოლუციისა და  საერთაშორისო სამართლის ნორმების შესაბამისად.

აშშ-ის პრეზიდენტმა დონალდ ტრამპმა დეკემბერში იერუსალიმი ისრაელის დედაქალაქად აღიარა.

 ტრამპის გადაწყვეტილებამ პალესტინასა და არაბულ ქვეყნებში დიდი პროტესტი გამოიწვია.