რეჟისორმა კვენტინ ტარანტინომ აღიარა, რომ უმა თურმანს ჯაჭვით ახრჩობდა და სახეში აფურთხებდა ფილმ „მოკალი ბილის“ გადაღების დროს, რათა ის რთული სცენებისთვის მოემზადებინა. ამის შესახებ რეჟისორმა Vulture-თან ინტერვიუში განაცხადა.

ამის გარდა, რეჟისორმა განმარტა, რატომ ჩააგდო საფრთხეში მსახიობი, როდესაც ავტომობილით საშიში მანევრის შესრულება კასკადიორების მონაწილეობის გარეშე აიძულა.

 „ეს ჩემი ცხოვრების ყველაზე დიდი სინანულია. მაგრამ როგორც რეჟისორი, ყოველთვის ვსწავლობ სიახლეებს და ასეთ საშინელ შეცდომებსაც ვუშვებ“, - აღნიშნა ტარანტინომ.

მან ასევე განაცხადა, რომ დიდი ხნის განმავლობაში მისი მეგობრისა და პროდიუსერის ჰარვი ვაინშტაინის მხრიდან განხორციელებული სექსუალური შევიწროებების შესახებ უმა თურმანის მიმართ და სთხოვა კიდეც მას ბოდიში მოეხადა მსახიობისთვის.

უმა თურმანმა ერთ-ერთ ინტერვიუში გაიხსენა ვაინშტაინის მხრიდან მის მიმართ სექსუალური შევიწროების შესახებ და სოციალურ ქსელში დაწერა, რომ ტარანტინოს გამო „მოკალი ბილის“ გადაღებების დროს სიკვდილს სასწაულებრივად გადაურჩა.