მალის დედაქალაქის სასტუმროში თავდამსხმელებმა 170 ადამიანი მძევლად აიყვანეს
მალის დედაქალაქ ბამაკოში სასტუმრო Radisson Hotel Bamako-ში ორმა შეიარაღებულმა მამაკაცმა მძევლად 170 ადამიანი აიყვანა.
”მათ მძევლად 140 სტუმარი და ოტელის 30 თანამშრომელი აიყვანეს. სასტუმროში შესასვლელი ბლოკირებულია, ამიტომ შეუძლებელია შენობიდან გამოსვლა და შესვლა”, - განუცხადა NBC News-სს სასტუმროთა ქსელის პრეს-მდივანმა.
გავრცელებული ინფორმაციით, თავდამსხმელები სასტუმროში ”ალაჰ აკბარის” ყვირილით შეიჭრნენ.
სააგენტო ”როიტერის” ცნობით, სამართალდამცავებმა სასტუმროს ალყა შემოარტყეს. ამ, მომენტისთვის შენობაში სროლის ხმა ისმის.
