თურქეთის პრეზიდენტმა რეჯებ ტაიპ ერდოღანმა განაცხადა, რომ სირიაში თურქეთის არმია უფრო მასშტაბური ოპერაციისთვის ემზადება.

„თურქეთის შეიარაღებული ძალების მოქმედება აფრინში მხოლოდ მზადებაა უფრო მასშტაბური ნაბიჯებისთვის. თურქეთის არმიის შემტევითი მოქმედება ჯერ კიდევ წინ არის“, - განუცხადა ერდოღანმა ჟურნალისტებს.

მისი თქმით, თურქი სამხედროები აფრინში ტერორიზმის საფრთხეს აღკვეთენ, შემდეგ კი ამ ოპერაციას იდლიბის პროვინციაში გააგრძელებს.

თურქეთმა ოპერაცია „ზეთისხილის რტო“ აფრინის რაიონში იანვარში დაიწყო. ანკარის განცხადებით, ის მიმაფრთულია ქურთული სამხედრო ფორმირებებისა და „ისლამური სახელმწიფოს“ წინააღმდეგ.