აშშ-ის 43-ე პრეზიდენტმა ჯორჯ ბუშ-უმცროსმა განაცხად, რომ არსებობს მტკიცებულებები იმის შესახებ, რომ რუსეთი 2016 წლის ამერიკის პრეზიდენტის არჩევნებში ერეოდა.

 „არსებობს საკმარისად უდაო მტკიცებულებები იმისა, რომ რუსები ერეოდნენ. მოახერხეს თუ არა შედეგებზე გავლენის მოხდენა - ეს სხვა საკითხია“, - ციტირებს ბუშს The Guardian-ი.

ექს-პრეზიდენტის თქმით, ამერიკული დემოკრატია კარგი მხოლოდ მაშინ არის, როდესაც ხალხი არჩევნების შედეგებს ენდობა. ის მიიჩნევს, რომ 2016 წელს საარჩევნო პროცესში სხვა სახელმწიფო ერეოდა.

თეთრ სახლს ყოფილი პრეზიდენტის განცხადებაზე კომენტარი ჯერ არ გაუკეთებია.

აშშ-ში ერთ წელზე მეტია 2016 წლის წინასაარჩევნო პროცესში რუსეთის ჩარევის საქმეს იძიებს.