ვულკანზე ასვლისას ამერიკელი დიპლომატი დაიღუპა
მექსიკაში ამერიკის დიპლომატიური მისიის ერთ-ერთი თანამშრომელი ვულკან ორისაბაზე ასვლის დროს დაიღუპა.
ორისაბაზე ორი ამერიკელი იმყოფებოდა. ერთ-ერთი მათგანი პუებლის შტატის სამოქალაქო თავდაცვის სამსახურმა გადაარჩინა. სამაშველო ოპერაციაში ჩართული იყო ვერტმფრენებიც.
ამერიკის საელჩომ აღნიშნული ინფორმაცია დაადასტურა, თუმცა გარდაცვლილის თანამდებობა არ დაუსახელებია.
ვულკანი ორისაბა მექსიკის ყველაზე მაღალი მწვერვალია. ზღვის დონიდან მისი სიმაღლე 5,6 კილომეტრს შეადგენს.
