სალვადორ დალის უცნობი ნამუშევრები აუქციონზე გაიყიდება
სალვადორ დალის აქამდე უცნობი ნამუშევრები, რომლებიც კერძო კოლექციაში ინახებოდა, აუქციონზე გაიყიდება.
1930-იანი წლების ნახატები არგენტინელმა გრაფინიამ კუევას დე ვერამ შეიძინა. დღემდე ისინი საოჯახო კოლექციაში იყო დაცული.
დალის ხელოვნების ნიმუშები 28 თებერვალს ლონდონის Sotheby's-ის აუქციონზე იქნება წარმოდგენილი.
ტილოები დალის ადრეულ პერიოდს მიეკუთვნება. ერთ-ერთი ნახატი 1931 წელს არის შექმნილი, მეორე კი -1932 წელს.
ორივე ნახატი 1,1 – 1,3 მლნ ევროდ არის შეფასებული.
