რუსთავში მცხოვრები სტუდენტები სამგზავრო ტარიფის დაწესებას ითხოვენ
რუსთავში მცხოვრები სტუდენტები სამგზავრო ტარიფის დაწესებას ითხოვენ. ისინი ქალაქის მერიასთან მართავენ აქციას და აცხადებენ, რომ სტუდენტურ ტარიფს უკვე 3 წლის განმავლობაში ითხოვენ.
მათი განცხადებით, სტუდენტების ხელშეწყობის სანაცვლოდ, ,,რუსთავის მერიის ჩინოვნიკებმა საკუთარი მდგომარეობა გაიუმჯობესეს“ და მხოლოდ ერთ თვეში პრემია-დანამატის სახით 320 000 ლარი აიღეს.
აქციის მონაწილეები ამბობენ, რომ ტარიფების დაწესებას სულ 4500 სტუდენტი ითხოვს. მათ დღეს ქალაქის მერთან და საკრებულოს თავმჯდომარესთან შეხვედრაც მოითხოვეს, თუმცა სტუდენტები შენობაში არ შეუშვეს.
