A'STUDIO-ს სოლისტმა ქეთა თოფურიამ ჟურნალ ОК!-სთან რეპერ გუფთან ურთიერთობისა და ლევ გეიხმანთან განქორწინების შემდეგ ცხოვრების შესახებ ისაუბრა.

რუსული მედია წერდა, რომ წყვილს შორის რომანტიკული ურთიერთობა ერთობლივი კლიპის გადაღების დროს განვითარდა.

ჭორებს ხელი შეუწყო მომღერლების შვებულებამაც, რომელიც გაურკვეველი შემთხვევითობით ერთმანეთს დაემთხვა. მათ საახალწლო არდადეგები ტაილანდში გაატარეს. უფრო მეტიც, ქეთა და გუფი  შეყვარებულების დღესაც ერთად იყვნენ. ამის შესახებ ინტერნეტ-მომხმარებლებმა რეპერის Instagram-ის გვერდიდან შეიტყვეს.

გამოცემასთან საუბრისას მომღერალმა აღნიშნა, რომ კარგად აქვს გაცნობიერებული, რომ სოციალურ ქსელში ნებისმიერი პუბლიკაცია ყოველთვის დიდ რეზონანს გამოიწვევს.

 „რა თქმა უნდა, როდესდაც ქსელში რაიმეს ვაქვეყნებთ, მას  რეზონანსი აუცილებალდ მოყვება. ჩვენ ვთამაშობთ. პორვოცირებას ვახდენთ. და საერთოდ, ვიდრე გავთხოვდებოდი, პირადი ცხოვრების შესახებ განსაკუთრებულს არაფერს ვყვებოდი.

რამდენი რომანი მომაწერეს მაშინ, მეგობრებთან, მამაკაცებთან, რომლებსაც ქალები საერთოდ არ აინტერესებდათ. ახლა ქმარს გავშორდი და პირად ცხოვრებაზე კომენტარს ისევ არ ვაკეთებ... ყველა იმას ხედავს, რისი დანახვაც სურს“, - განაცხადა ქეთა თოფურიამ.

გასული წლის სექტემბერში ქეთამ ლევ გეიხმანთან განქორწინება ოფიციალურად დაადასტურა. განქორწინების მიზეზებზე არც მას და არც ლევ გეიხმანს არაფერი უთქვამთ.

თუმცა ვრცელდება ხმები, რომ ამის მიზეზი ცოლ-ქმრის განსხვავებული ცხოვრების წესი გახდა: გეიხმანს ლოს-ანჯელესში ბიზნესი აქვს, თოფურია კი თავის კარიერას რუსეთში განაგრძობს.