ნატო არ მიიღებს საქართველოს ტერიტორიული კონფლიქტების მოუგვარებლობის გამო. აცხადებს საქართველოს პარლამენტის ყოფილი სპიკერი, ოპოზიციონერი ნინო ბურჯანაძე. 

,,ნატო არასოდეს მიიღებს თავის რიგებში ქვეყანას, რომელსაც ორი მოუგვარებელი კონფლიქტი აქვს და ეს ყველასთვის ნათელია“ - განაცხადა ნინო ბურჯანაძემ „რია ნოვოსტისთვის“ მიცემულ ინტერვიუში.  

მან ასევე დაამატა, რომ "საქართველოსთვის საზიანოა ნატოს წევრობაზე საუბარი, მხოლოდ იმიტომ, რომ ნატოს წევრობა ნიშნავს უარი ვთქვათ აფხაზეთსა და სამხრეთ ოსეთზე“. პოლიტიკოსს მიაჩნია, რომ ნატოსთან  და სხვა საერთაშორისო ორგანიზაციებთან თანამშრომლობა უნდა მოხდეს ქართული ინტერესების სასარგებლოდ. „რათა არ მივცეთ მათ საშუალება გამოიყენონ საქართველო რუსეთის პროვოცირებისთვის“ - აცხადებს ბურჯანაძე. 

ცნობისთვის პარტია „დემოკრატიული მოძრაობა - ერთიანი საქართველოს" ლიდერი აპირებს მონაწილეობა მიიღოს 2018 წლის შემოდგომის საპრეზიდენტო არჩევნებში.