თეთრი სახლის მთავარი მრჩეველი ეკონომიკის საკითხებში გერი კონი თანამდებობას  ფოლადსა და ალუმინზე დაწესებულ გადასახდებთან დაკავშირებით   დონალდ ტრამპთან უთანხმოების გამო ტოვებს. ამის შესახებ ამერიკული მედია წერს.

57 წლის კონი პოსტს უახლოეს კვირებში დატოვებს. კონი აქტიურად მონაწილეობდა აშშ-ის საგადასახდო კანონმდებლობის რეფორმაში.

ბაზრის მონაწილეები ნეგატიურად შეხვდნენ კონის გადადგომის ფაქტს. დოლარის კურსმა დაიწია. საფონდო ინდექსების ფიუჩერსები 1 პროცენტით დაეცა.

Bloomberg-ის ცნობით, კონი ცდილობდა პრეზიდენტისა და ამერიკული კომპანიების  შეხვედრის ორგანიზებას, რათა გადასახადების დაწესების ან მათი ზემოქმედების შერბილებისთვის მიეღწია.