უკრაინაში 2014 წლის მოვლენების დროს, აშშ-მა რუსეთს სთხოვა მაშინდელ პრეზიდენტზე ვიქტორ იანუკოვიჩზე გავლენა მოეხდინა, რათა მას ოპოზიციის წინააღმდეგ არმია არ გამოეყენებინა. ერთი დღის შემდეგ კი გადატრიალება მოხდა. ამის შესახებ რუსეთის პრეზიდენტმა ვლადიმერ პუტინმა ვლადიმერ სოლოვიოვის დოკუმენტურ ფილმში „მსოფლიო წესრიგი 2018“ განაცხადა.

„ჩვენ ამერიკელმა პარტნიორებმა მოგვმართეს. მათ გვთხოვეს, რომ ყველაფერი გაგვეკეთებინა იმისთვის, რომ იანუკოვიჩს არმია არ გამოეყენებინა, რომ ოპოზიციას მოედანი, ადმინისტრაციული შენობები გაეთავისუფლებინა  და მიღწეული შეთანხმებები სიტუაციის ნორმალიზებასთან დაკავშირებით შეესრულებინა. ჩვენ დავთანხმდით. ერთი დღის შემდეგ კი სახელმწიფო გადატრიალება მოხდა.“ - აღნიშნა პუტინმა.

მისი თქმით, აშშ-მა ფაქტობრივად თავის ხელით მოახდინა უკრაინის გადატრიალება, რის გამოც   იძულებულია მხარი ახლანდელ ხელისუფლებას დაუჭიროს. „მათ თავი კუთხეში მიიმწყვდიეს“, - დასძინა რუსეთის ლიდერმა.