აშშ-ის პრეზიდენტმა დონალდ ტრამპმა ფოლადისა და ალუმინის იმპორტზე მაღალი გადასახდები დააწესა.

ტრამპმა იმპორტზე ტარიფების შემოღების შესახებ ჯერ კიდევ 1 მარტს განაცხადა. მან ამის აუცილებლობა იმით ახსნა, რომ მისი თქმით, აშშ ზარალდება „არპატიოსანი ვაჭრობით“, გადასახადების დაწესება კი მრეწველობის განვითარებას ბიძგს მისცემს.

ევროკავშირში უკიდურესად მკაცრად შეაფასეს  აშშ-ის გადწყვეტილება. მოსალოდნელია, რომ ამ ღონისძიებებს განსაკუთრებით მკაცრად ჩინეთი შეხვდება და ექსპერტები ახალი სავაჭრო ომის აფეთქებას შიშობენ.

კანონი გადასახადების დაწესების შესახებ ძალაში 15 დღის შემდეგ შევა.

დიდი კრიტიკით შეხვდნენ ტრამპის გადაწყვეტიელბას აშშ-ის  პარტნიორი ქვეყნები ვაჭრობის სფეროში და ტრამპის საკუთარ პარტიაშიც კი.