ნატომ უკრაინას ასპირანტი ქვეყნის სტატუსი მიანიჭა, ეს ნაბიჯი უკრაინას ნატოს წევრი ქვეყნობისკენ აახლოებს.  

„ოთხმა პარტნიორმა ქვეყანამ განაცხადა თავისი მისწრაფებების შესახებ გახდეს ნატოს წევრი ქვეყანა: ბოსნია და ჰერცოგოვინა, საქართველო, ყოფილი იუგოსლავიის რესპუბლიკა - მაკედონია და უკრაინა“ - იუწყება სააგენტო „ინტერფაქსი“.

აღსანიშნავია, რომ ნატოს კარი ღია რჩება ნებისმიერი ევროპული ქვეყნისთვის, რომელსაც შეუძლია თავის თავზე აიღოს პასუხისმგებლობა და წვლილი შეიტანოს ევროატლანტიკური რეგიონის უსაფრთხოებაში.

სამხედრო ექსპერტი, ალექსეი ლეონკოვი აცხადებს, რომ უკრაინისთვის ნატოს ასპირანტი ქვეყნის სტატუსის მინიჭება მას არაფერს აძლევს, გარდა შესაძლებლობისა მონაწილეობა მიიღოს ზოგიერთ ღონისძიებებში, რომელსაც ალიანსი ჩაატარებს.

„ისინი მხოლოდ შეძლებენ მონაწილეობის მიღებას ზოგიერთ ღონისძიებებზე, რომელსაც ნატო ატარებს, მხოლოდ დამკვირვებლის როლში ან მიიღებენ მონაწილეობას სამხედრო სწავლებაში, თუმცა არ იქნებიან ალიანსის წევრები ანუ იქნებიან ხმის მიცემის უფლების გარეშე. ესეთ სტატუსს ანიჭებენ პერიოდულად ქვეყნებს, თუკი ალიანსი მათით დაინტერესდება“ - განაცხადა ლეონკოვმა.

მან ასევე დასძინა, რომ ადრე ასპირანტი ქვეყნები იყვნენ ფინეთი და შვეცია, თუმცა ამ დრომდე ვერ გახდნენ ალიანსის წევრები.

ექსპერტი ხაზს უსვამს, რომ ჯერ-ჯერობით უკრაინას არ აქვს არანაირი შანსი და იმედი ალიანსში შესვლის და მიაჩნია, რომ გარკვეულ წილად ნატო აშშ-ს ზეწოლის ქვეშაცაა და „ის აძლევს უკრაინას გარკვეულ სიგნალებს, რათა მათ აქტიური ნაბიჯები გადადგან“.