დღეს, 12 მარტს, საქართველოს პარლამენტის იურიდიულ საკითხთა კომიტეტი „საჯარო დაწესებულებაში ინტერესთა შეუთავსებლობისა და კორუფციის შესახებ“ საქართველოს კანონში ცვლილების პროექტს განიხილავს.

წარმოდგენილი პროექტით, დეკლარაციაში არასწორი და არასრული მონაცემების შეყვანის შემთხვევაში დეკლარაციის უარყოფითად შეფასებისას განსაზღვრული ჯარიმის ოდენობა - თანამდებობის პირი დაჯარიმდება თანამდებობრივი სარგოს 25%-ის ოდენობით. თუმცა, ასევე დადგენილია ჯარიმის მინიმალური ოდენობა - 500 ლარი.

ასევე,  ცვლილება შედის დეკლარაციის შევსების მუხლში, თანამდებობის პირი ვალდებული იქნება,  დეკლარაციაში ინფორმაცია საბანკო თუ საკრედიტო დაწესებულებაში არსებული ანგარიშის ან შენატანის, რომლის განკარგვის უფლებაც აქვს თანამდებობის პირს ან მისი ოჯახის წევრს, დააფიქსიროს დეკლარაციის შევსების თვის პირველი რიცხვის მდგომარეობით.

კანონპროექტის ინიციატორები არიან პარლამენტის წევრები - გიორგი კახიანი, გურამ მაჭარაშვილი, ირაკლი ბერაია, ალექსანდრე ქანთარია, პაატა მხეიძე, მერაბ ქვარაია, ოთარ ჩრდილელი, შალვა კიკნაველიძე, ილია ნაკაშიძე, კობა ნაკაიძე და ალექსანდრე ერქვანია.