ირანში ჩამოვარდნილი თურქული თვითმფრინავის შავი ყუთი ნაპოვნია
ირანში ჩამოვარდნილი თურქული თვითმფრინავის შავი ყუთი ნაპოვნია. სააგენტო IRNA-ს ცნობით, ყუთს შემდგომი გამოძიებისთვის ხელისუფლებას გადასცემენ.
ირანში თურქეთის წარმომადგენლები და კატასტროფის მსხვერპლთა ნათესავები ჩავლენ.
კერძო თვითმფრინავი, რომელიც თურქულ საინვესტიციო კომპანიას Başaran Holding-ს ეკუთვნოდა, შარჯიდან სტამბოლში მიფრინავდა.
ბორტზე 11 ადამიანი იმყოფებოდა, მათ შორის ეკიპაჟის სამი წევრი. საჰაერო ხომალდმა კატასტროფა ირანის დასავლეთით მთიან რეგიონში განიცადა. მიწაზე დაცემის შემდეგ თვითმფრინავს ცეცხლი გაუჩნდა. ბორტზე მყოფთაგან არავინ გადარჩენილა.
