საკითხი თუ ვინ დაიკავებს თანამეგობრობის ქვეყნების თავმჯდომარის პოსტს, გაერთიანებული სამეფოს დედოფლის ელისაბედ მეორის გარდაცვალების შემდეგ, დღითიდღე აქტუალური ხდება, რადგან ეს პოსტი განსხვავებით სამეფო ტახტისა, მემკვიდრეობითი არ არის.

თანამეგობრობის ქვეყნების ლიდერების შეხვედრაზე, რომელიც მიმდინარე წლის 16 აპრილს გაიმართება, სავარაუდოდ განიხილავენ საკითხს, თუ ვინ გახდება თანამეგობრობის მომავალი თავმჯდომარე.

პრინცესა ელისაბედი თამანეგობრობის ქვეყნების გაერთიანების თავმჯდომარე 1952 წელს გახდა, მას შემდეგ რაც მამამისი მეფე ჯორჯ მე-6 გარდაიცვალა და სამეფო ტახტზე დედოფალი ავიდა, თუმცა მიუხედავად ამისა, პრინცი ჩარლზი ავტომატურად ვერ დაიკავებს თავმჯდომარის პოსტს, როდესაც ის მეფე გახდება.

თანამეგობრობის ქვეყნების გაერთანებაში შედის 16 ქვეყანა, დიდი ბრიტანეთი და ყველა ის სახელმწიფო, რომელშიც წარსულში იყო ბრიტანეთის კოლონია, დომინიონი ან პროტექტორატი. ამ კრიტერიუმებს მხოლოდ მოზამბიკი და რუანდა არ შეესაბამებიან. თანამეგობრობის ქვეყნები საკუთარ მონარქად დედოფალ ელისაბეთ მეორეს მიიჩნევენ.