დონალდ ტრამპმა მელანიასთან ურთიერთობის პრობლემების არსებობის შესახებ მინიშნება გააკეთა. პენსილვანიასში ერთ-ერთ შეხვედრაზე გამოსვლისას მან ცოლი შეაქო და აღნიშნა, რომ მისი ღალატის შესახებ გავრცელებული ხმების გამო მელანიას მშვიდი ცხოვრება არ აქვს.

 „ფიქრობთ, რომ მისი ცხოვრება მარტივი და უზრუნველია? ძალიან ცდებით. ყველაფერი ასე მარტივად არ არის. მელანია მშვენიერი პირველი ლედია. უბრალოდ შესანიშნავი. დიახ, ის შესანიშნავია!“- აღნიშნა ტრამპმა.

შეგახსენებთ, რომ ტრამპების ოჯახში სკანდალი მას შემდეგ გამწვავდა, რაც პრეზიდენტი პორნომსახიობთან ცოლის ღალატში დაადანაშაულეს.

უცხოური მედია წერდა, რომ დონალდს ინტიმური კავშირი ჰქონდა სტორმი დენიელსთან მაშინ როდესაც მელანიასგან ვაჟი ბერონი შეეძინა. ამის  შემდეგ მელანია ქმარს ოფიციალური ვიზიტების დროს აღარ დაყვებოდა, ამის ნაცვლად კი დასასვენებლად მიდიოდა.

იმის მიუხედავად, რომ ცოლ-ქმარი ბოლო დროს საჯაროდ ხშირად ჩნდება, მათ ურთიერთობაში ყველაფერი კარგად არ არის. აშშ-ის ლიდერმა ცოლთან პრობლემების შესახებ უკვე მიანიშნა, როდესაც ვაშინგტონში კლუბ Gridiron-ის ყოველწლიურ ვახშამზე  წარუმატებლად იხუმრა.