სასაფლაოს თანამშრომლები მიცვალებულებს ოქროს სამკაულებს აცლიდნენ და ყიდდნენ
იტალიელმა სამართალდამცველებმა დააპატიმრეს ტურინის სასაფლაოს 15 თანამშრომელი, რომლებიც საფლავებს ოქროსა და სამკაულების ამოსაღებად ხსნიდნენ.
მათ თავიანთ ოფისში ძვირფასეულობის ჩაბარების პუნქტი გახსნეს. ისინი ცხედრებს ოქროს კბილებსაც კი აძრობდნენ, ერთხელ კი ჩაბარების პუნქტში მთლიანი თავის ქალა მიიტანეს, რომელსაც დიდი რაოდენობით ძვირფასი სამკაულები ეკეთა.
სასაფლაოს თანამშრომლები ერთ გრამ ოქროს 15 ევროდ ყიდდნენ.
დანაშაულებრივი ჯგუფის წევრებს შინაპატიმრობა მიუსაჯეს.
