ნანი ბრეგვაძემ მოსკოვში დაგეგმილი კონცერტი, შესაძლოა, გააუქმოს
მომღერალმა ნანი ბრეგვაძემ შესაძლოა, მოსკოვში, 28 მარტს დაგეგმილი კონცერტი გააუქმოს, - ამის შესახებ მომღერლის შვილმა, ეკა მამალაძემ ტელეკომპანია "იბერიას" განუცხადა.
"არ ვიცით. ვერ გეტყვით, შესაძლოა გადაიდოს. რა ვქნათ, თვითონაც არ ვიცით", - განაცხადა მამალაძემ.
კონცერტის გაუქმება სავარაუდოდ, არჩილ ტატუნაშვილს უკავშირდება.
ცნობისთვის, 28 მარტს, მოსკოვში, Crocus City Hall-ში ნანი ბრეგვაძის საიუბილეო კონცერტია დაგეგმილი.
კონცერტის სპეციალური სტუმრები: ვალერი მელაძე, თამარ გვერდწითელი და ნინო ქათამაძე იქნებიან.
