სამგზავრო ავტობუსის დაწვის შედეგად 10 მგზავრი დაიღუპა
სამგზავრო ავტობუსი, რომელიც სტამბოლიდან ტოკატში მიემართებოდა, გაჩერებულ სატვირთო ავტომობილს დაეჯახა და ცეცხლი გაუჩნდა. ავტობუსი მთლიანად დაიწვა. ინციდენტის შედეგად სულ მცირე 10 ადამიანი დაიღუპა, კიდევ 18-მა მგზავრმა სხეულის სხვადასხვა დაზიანება მიიღო. ექიმები არ გამორიცხავენ, რომ დაღუპულთა რაოდენობა შესაძლოა გაიზარდოს, რადგან ზოგიერთი დაშავებულის მდგომარეობა კრიტიკულია.
