აშშ კოსმოსური არმიის შექმნას გეგმავს
აშშ-ის პრეზიდენტმა დონალდ ტრამპმა განაცხადა, რომ ქვეყანამ, შესაძლოა, კოსმოსური ჯარი შექმნას.
„ჩემი ახალი ეროვნული სტრატეგიის მიხედვით, კოსმოსურ სივრცეში, შესაძლოა, განხორციელდეს სამხედრო მოქმედებები, ისევე როგორც ხმელეთზე, ჰაერში და წყალში“, - განაცხადა ამერიკის ლიდერმა.
მისი თქმით, თავდაპირველად ის ამ იდეას სერიოზულად არ აღიქვამდა, მაგრამ შემდეგ დაასკვნა, რომ იდეა შესანიშნავია.
თებერვლის ბოლოს აშშ-ის შეიარაღებული ძალების შტაბის უფროსმა დევიდ გოლდფეინმა განაცხადა, რომ კოსმოსური ომი რამდენიმე წლის საქმეა.
მისი აზრით, შეერთებულმა შტატებმა კოსმოსურ სივრცეში უპირატესობას უნდა მიაღწიოს.
