2001 წელს ეკრანებზე გამოვიდა საიმონ უესტის „ლარა კროფტი: სამარხების მძარცველი“. ფილმში მთავარი როლი ანჯელინა ჯოლიმ შეასრულა. მაგრამ მაშინ მსახიობი სხვა კუთხით იყო ცნობილი. ამის შესახებ „ლარა კროფტის“ ახალ ეკრანიზაციამდე საიმონ უესტმა განაცხადა. მისი თქმით, მას დანარჩენების დარწმნუნება ძალინ გაუჭირდა, რათა მათთვის დაემტკიცებინა, რომ ჯოლი სწორედ ამ როლისთვის იყო მორგებული.

 „მას ბნელი რეპუტაცია ჰქონდა. ის სრულიად განსხვავებულად ცხოვრობდა, და სათქმელს ვერ იკავებდა“, - განაცხადა რეჟისორმა.

ამის გარდა უესტმა აღნიშნა, რომ თავისი ფილმისთვის ის ეძებდა მსახიობს, რომელსაც ფილმში რაღაც განსაკუთრებულის შექმნა შეეძლო და ჯოლიში მან სწორედ ეს დაინახა.

 „შავბნელი, შეშლილი, ბოროტი ქალი. მინდოდა, რომ ანჯელინა ჯოლის ეს სახე ლარა კროფტთან გაერთიანებულიყო“, - აღნიშნა საიმონმა.

მარტში ეკრანებზე გამოდის ახალი ფილმი ლარა კროფტის შესახებ. მასში მთავარ როლს შვედი მსახიობი ალისია ვიკანდერი ასრულებს.