მაკიაჟის მოსაშორებელი ხელსახოცები ყველაზე მარტივი საშუალებაა ყოველდღიური საღამოს პროცედურებისთვის. თუმცა ექსპერტები ამ ხელსახოცების მოყვარულებს აფრთხილებენ, კარგად დაფიქრდნენ ვიდრე საპნის ან მინერალური წყლის ნაცვლად მათ გამოიყენებდნენ.

როგორც აღმოჩნდა, ასეთი ხელსახოცები იშვიათად უმკლავდებიან თავიანთ ამოცანას.

უმეტესად ხელსახოცი სახეზე მთელი დღის დაგროვებულ ბაქტერიებს ავრცელებს.

ხელსახოცი კანს სიკეთის ნაცვლად ზიანს აყენებს. მან შესაძლოა გამოიწვიოს გაღიზიანება, აკნე და შესაძლოა, ნაადრევი დაბერების მიზეზიც გახდეს.

სპეციალისტებმა მთავარი პრობლემები დაასახელეს, რომლებსაც სახის წმენდის ასეთი საშუალებები იწვევენ.

ექსპრტების თქმით, მაკიაჟის მოსაშორებელი ხელსახოცი კანზე ტოვებს ტონალური კრემის, პარფიუმერიისა და ჭუჭყის ნარჩენებს.

ამ მიზეზით მისი გამოყენება ყოველდღე დაუშვებელია.

ხელსახოცის გამოყენება მხოლოდ საგანგებო მდგომარეობის დროს შეიძლება, მაგალითად შვებულების ან ოფისში ყოფნის დროს.

ამის გარდა ეს ხელსახოცები კანზე ქიმიური შემადგენლობის ნარჩენებსაც ტოვებენ, რამაც შესაძლოა გამოიწვიოს გაღიზიანება და ალერგიული რეაქციის მიზეზიც გახდეს.

სპეციალისტების აზრით, ასეთი ხელსახოცი შესაძლოა გამოშრობის მიზეზიც გახდეს და კანის საფარის ბალანსის დარღვევაც გამოიწვიოს, რადგან ასეთი საშუალება გაჟღენთილია დიდი რაოდენობით სპირტით.

მაკიაჟის მოსაშორებელმა ხელსახოცმა შესაძლოა დაარღვიოს კანის დამცავი ფენა, რომელიც მას ტენიანობის დაკარგვისა და  ჭუჭყისგან იცავს.

BeautyFix Medspa-ს აღმასრულებელი დირექტორის ოდრი მატნის თქმით, ხელსახოცები შეიცავს პროპილენგლიკოლს - ქიმიკატს, რომელიც საეჭვო დამატენიანებელ თვისებებს ატარებს.

მან შესაძლოა გამოიწვიოს პროცესი, რომელიც კანის ნაადრევ დაბერებამდე და ჰიპერპიგმენტაციამდე მიგიყვანოთ. ასეთი ქსოვილები კანს ღმად ვერ წმენდს, და ადამიანები სახეზე ჭუჭყის ნარჩენებთ იძინებენ.

როგორ გამოვიყენოთ სწორად სახის ხელსახოცები?

პირველ რიგში ის მავნე ჩვევად არ უნდა გადაგექცეთ - გამოიყენეთ მხოლოდ საგანგებო სიტუაციებში.

მეორე -  ასეთი ხელსახოცები კარგი ვარიანტია ტუჩსაცხის ან ტუშის მოსაშორებლად, მაგრამ არა ტონალური კრემის. ამ შემთხვევაში ტონალური კრემის მოცილების ნაცვლად მას მთელს სახეზე შეიზელთ.

მესამე - გაიწმინდეთ ხელსახოცებით სახე ცენტრიდან კიდეების მიმართულებით და არა წრიული მოძრაოებებით.

მეოთხე - ხელსახოცების გამოყენების შემდეგ სახე ტონიკით გაიწმნიდეთ, რათა კოსმეტიკური საშუალებების ნარჩენები მოიშოროთ.