რუსეთის ხელისუფლებამ ვეტერინალურ და ფიტოსანიტარულ სამსახურს თურქეთიდან სოფლის მუერნეობისა და სასურსათო პროდუქტების შემოტანაზე კონტროლის გამკაცრება დაავალა.

ასევე უწყებამ საზღვარზე და თავად თურქეთში პროდუქტების წარმოების ადგილებზე დამატებითი შემოწმების ორგანიზება უნდა მოახდინოს.

როგორც უწყების განცხადებაშია აღნიშნული კონტროლის გამკაცრების მიზეზი თურქი მწარმოებლების მხრიდან რუსეთის მიერ დაწესებული ხარისხის ნორმების დარღვევა გახდა.

რუსეთის სოფლის მეურნეობის სამინისტროს შეფასებით თურქული პროდუქტების 15 პროცენტი რუსულ მოთხოვნებს ვერ პასუხობს.

”ინტერფაქსის” ინფორმაციით, რუსეთში ბოსტნეულის იმპორტის 20 პროცენტი თურქეთზე მოდის.

რუსეთსა და თურქეთს შორის ურთიერთობა თურქეთის მხრიდან თურქეთ-სირიის საზღვარზე რუსული სამხედრო თვითმფრინავის ჩამოგდების შემდეგ გამწვავდა.