თბილისის ოპერისა და ბალეტის თეატრში ჯაკომო პუჩინის უკანასკნელი ოპერის – „ტურანდოტის“ პრემიერა გაიმართა.

სპექტაკლში მთავარი პარტიები გიორგი ონიანმა და მაყვალა ასპანიძემ შეასრულეს. ერთ-ერთი მთავარი პარტია შეასრულა ოპერის თეატრის სტაჟიორმა თინათინ მამულაშვილმა.

თბილისში „ტურანდოტის“ სულ ექვსი საპრემიერო ჩვენება გაიმართება, რომლებშიც, ოპერის სოლისტებთან ერთად, მოწვეული ქართველი და უცხოელი მომღერლები და დირიჟორები მიიღებენ მონაწილეობას.

სპექტაკლის სასცენო ვერსია ცნობილი ჟურნალისტსა და მწერალს, ალფონსო სინიორინის ეკუთვნის. „ტურანდოტი“ მისი სარეჟისორო დებიუტია. დადგმა, პუჩინის ფესტივალის „ტორე დელ ლაგოსა“ და თბილისის ოპერის ერთობლივი პროდუქციაა.

სამმოქმედებიანი ოპერა ჩინეთის იმპერატორის მეფის ასულის სიყვარულის ისტორიას ეხება. „ტურანდოტის“ მსოფლიო პრემიერა 1926 წლის 25 აპრილს მილანის თეატრ „ლა სკალაში“. ის მსოფლუიოში ყველაზე ხშირად  დადგმულ  ი სპექტაკლების ოცეულში შედის.