საქართველოს პრემიერ-მინისტრმა გიორგი კვირიკაშვილმა იმ ადამიანების მისამართით, ვისაც მის გადადგომაზე ტაიმერი აქვთ დაყენებული, განაცხადა რომ ეს ტაიმერი რამდენიმე წელი არ დარეკავს.

პრემიერმა მათ მოუწოდა, გამოიძინონ კარგად, სანამ საქართველო წინ წავა.

„მოსაწყენი რომ არ იყოს მთავრობის ადმინისტრაციაში ბრიფინგები, ორიოდე სიტყვით მინდა ვთქვა იმ ადამიანების საყურადღებოდ, რომლებიც ყვავ-ყორნებივით დასტრიალებენ მთავრობის ადმინისტრაციის მეთერთმეტე სართულს და დაყენებული აქვთ ტაიმერები პრემიერ კვირიკაშვილის გადადგომაზე. მინდა დავარწმუნო ისინი, რომ ეს ტაიმერი რამდენიმე წელი მინიმუმ არ დარეკავს. ამიტომ დაისვენონ, ასე ვთქვათ, მე მათი საცოდაობით აღარა ვარ, გამოიძინონ კარგად, სანამ საქართველო წინ წავა“, – განაცხადა გიორგი კვირიკაშვილმა.

ცნობისთვის, დღეს კვირიკაშვილმა სამთავრობო ცვლილების შესახებ განაცხადა და რეგიონული განვითარებისა და ინფრასტრუქტურის მინისტრად ზურაბ ალავიძის ნაცვლად, მაია ცქიტიშვილი წარადგინა.