პერუში ახალი უჩვეულო გეოგლიფები აღმოაჩინეს (ფოტოკოლაჟი)
პერუელმა არქეოლოგებმა ნასკას პლატოზე 50 უჩვეულო გეოგლიფი აღმოაჩინეს. საინტერესოა, რომ ზოგიერთი მათგანი მანამდე აღმოჩენილ ნახატზე გაცილებით დიდი ხნისაა. ამის შესახებ გამოცემა National Geographic-ი იუწყება.
გეოგლიფები მიწაზე გამოსახული გეომეტრიული ნახაზები ან ფიგურებია. ზოგიერთი მათგანი იმდენად დიდია, რომ მათი დანახვა მხოლოდ ჰაერიდან შეიძლება. ნასკას ნახატები წარმოადგენს გეოგლიფების ჯგუფს, ხაზების, გეომეტრიული ფიგურებისა და ცხოველებისა და ადამიანების პრიმიტიულ გამოსახულებებს.პირველად ისინი 1939 წელს აღმოაჩინეს. სპეციალისტები მიიჩნევენ, რომ მათი ასაკი ორი თას წელს შეადგენს.
