ქეით მიდლტონსა და პრინც უილიამს მესამე შვილი შეეძინათ
კემბრიჯის ჰერცოგინიას ქეით მიდლტონსა და პრინც უილიამს ვაჟი შეეძინათ. სასიხარული ამბავი კენსინგტონის სასახლის წარმომადგენლებმა Twitter-ით გაავრცელეს.
„მისმა სამეფო უმაღლესობამ კემბრიჯის ჰერცოგინიამ 11:01 საათზე ვაჟი გააჩინა. ბავშვი იწონის 8 ფუნტსა და 7 უნციას. კემბრიჯის ჰერცოგი მშობიარობას ესწრებოდა. მისი სამეფო უმაღლესობა და ბავშვი თავს კარგად გრძნობენ“-, ნათქვამია განცხდებაში.
ქეით მიდლტონის ორსულობის შესახებ ცნობილი 2017 წლის სექტემბერში გახდა.
ქეითსა და უილიამს 4 წლის ვაჟი ჯორჯი და 2 წლის ქალიშვილი შარლოტა ჰყავთ.
