მაისში, საქართველოს დამოუკიდებლობის დღეს ევროკომისიის პრეზიდენტი ჟან-კლოდ იუნკერი, ევროკომისარ იოჰანეს ჰანთან ერთად, თბილისს ეწვევა.

არსებული ინფორმაციით, ისინი საქართველოს დამოუკიდებლობის დღისადმი, თბილისში დაგეგმილ ღონისძიებებში მიიღებენ მონაწილეობას.

როგორც ევროკომისარმა იოჰანეს ჰანმა საზოგადოებრივ მაუწყებელს განუცხადა, მისი ვიზიტი ასევე დაგეგმილია სექტემბერში. მისივე თქმით, სექტემბერში თბილისში ევროპული სკოლა გაიხსნება.

„მე დავესწრები ევროპული სკოლის გახსნას. ეს არის საქართველოს ორიენტაციის აღიარება. ეს ყველაფერი ხელს შეუწყობს საქართველოში სტაბილურობას და ეკონომიკურ განვითარებას“, – განაცხადა იოჰანეს ჰანმა.

როგორც ცნობილია, ევროპულ სკოლაში, რომელიც თბილისში გაიხსნება, სწავლება ინგლისურ ენაზე წარიმართება და მისი მოსწავლეები საერთაშორისოდ აღიარებულ ატესტატს მიიღებენ.