ადვოკატი გრეგუარ რანკური, ბიძინა ივანიშვილის პირველი მეუღლის ინტერესების დამცველია. იურისტი ფიქრობს, რომ ივანიშვილის ბიზნესპარტნიორის არკადი გაიდამაკის დაკავება საფრანგეთის პროკურატურაში დააჩქარებს გამოძიებას, რომელიც ბიძინა ივანიშვილის სხვა საქმეზე მიმდინარეობს და საქართველოს ყოფილი პრემიერის მიერ დოკუმენტების გაყალბებას ეხება.

იურისტი ყვება, რომ ივანშვილმა პარიზის სასამართლოში სპექტაკლი დადგა და განქორწინების დროს ცოლის ნაცვლად სხვა ქალბატონი მიიყვანა, რაც საფრანგეთის მართმსაჯულების შეურაცხყოფა და 1932 წელს მიღებული კანონის დარღვაა, სასჯელი ბრალის დამტკიცების შემთხვევაშ ხუთ წლამდე პატიმრობას ითვალისწინებს

"საქმე, რომელიც ეხება ივანიშვილსა და გაიდამაკს, ძალიან მგრძნობიარეა, ყველამ იცის, რომ გაიდამაკი ჩაბარდა ფრანგ სამართალდამცველებს. ვფიქრობ, ამის გამო ეს საქმეც დააინტერესებს პროკურატურას და ძიება დაჩქარდება. ინგა პავლოვა გაოგნებული იყო, როდესაც სასამართლოდან დოკუმენტები გამოითხოვა და ნახა, რომ ხელი მოწერილი აქვს შეთანხმებაზე, რომლის თანახმადაც უარი თქვა ივანიშვილთან ქონების გაყოფაზე ნებაყოფლობით და განქორწინებაც საკუთარი სურვილით გააფორმა. ის არასდროს ყოფილა სასამართლოში მისული. დავრწმუნდი, რომ საქმე გვაქვს სიყალბესთან და ინგა პავლოვას ხელი არ მოუწერია არანაირ დოკუმენტზე, გამოდის, რომ სასამართლოში მივიდა მსახიობი, რომელმაც ინგას პავლოვას როლი ყალბი დოკუმენტებით ითამაშა. ამით სასამართლოს მიაყენეს შეურაცხყოფა. მიხვიდე პროცესზე, მოატყუო მოსამართლე, ამის გამო მხოლოდ ინგა არ არის განაწყენებული, ეს არის მძიმე დანაშაული და ხუთ წლამდე პატიმრობას ითვალისწინებს,"- აცხადებს ადვოკატი რანკური. 

ინგა პავლოვას ადვოკატი ამბობს, რომ დოკუმენტების გაყალბების საქმეზე ბიძინა ივანიშვილს ჩვენების მიცემა ფრანგი სამართალდამცველებისთვის მოუწევს, უარის შემთხვევაში კი მასზე საერთაშორისო ძებნა გამოცხადდება.