საპარლამენტო უმრავლესობა პრეზიდენტს სატელევიზიო დებატებს სთავაზობს
არჩილ თალაკვაძის განცხადებით, საპარლამენტო უმრავლესობა პრეზიდენტ გიორგი მარგველაშვილს სატელევიზიო დებატებს სთავაზობს.
მისი თქმით, პრეზიდენტმა განაცხადა, რომ კითხვა-პასუხის რეჟიმში მონაწილეობის უფლება არ მიეცა, შესაბამისად, უმრავლესობა სატელევიზიო დებატებისთვის მზად არის.
„როგორი უნდა იყოს ფორმატი, ეს მედიის დასაგეგმი საკითხია. თუ ჩვენს შეთავაზებაზე თანახმაა, მზად ვართ, უმრავლესობის შიგნით ვიმსჯელოთ და ჩვენი წარმომადგენლობა ვუზრუნველყოთ. მისგან პასუხს დაველოდებით”, – განაცხადა არჩილ თალაკვაძემ.
