მსახიობ ჯონი დეპის დაცვის ყოფილმა წევრებმა იუჯინ არეოლამ და მიგელ სანჩეზმა, რომლებმაც ვარსკვლავს სასამართლოში უჩივლეს, თავიანთი სამუშაოს ახალი მაკომპრომეტირებელი დეტალები გაახმაურეს.

არეოლასა და სანჩეზის თქმით, მათ თავიანთი ბოსისთვის ნარკოტიკების გადატანა და მისი შვილებისთვის ძიძობის გაწევა  ევალებოდათ.

იმის გარდა რომ ჰოლივუდის მსახიობი თავის დაცვის წევრებს ნარკოკურიერებისა და ძიძების სახით იყენებდა, არეოლასა და სანჩეზს თავად დეპის თითოეული ქმედებისთვის თვალყურის დევნებაც უწევდათ.

მომჩივანეების თქმით, ერთხელ ღამის კლუბში მათ მსახიობს მიუთითეს, რომ სახიდან ნარკოტიკული ნივთიერების კვალი მოეშორებინა, რათა პრესას ან დაწესებულების სხვა მომხმარებლებს არ შეემჩნიათ.

კინოვასრკვლავის დაცვის ყოფილ წევრებს 2016-2018 წლებში დამატებითი სამუშაოსთვის ხელფასი არ მიუღიათ, რის გამოც მსახიობს სასამართლოში უჩივლეს.