ტყვიავში ორი ძმა დაჭრეს
გორის მუნიციპალიტეტის სოფელ ტყვიავში ორი ძმა დაჭრეს.
29 და 22 წლის ძმები სასწრაფო-სამედიცინო სამსახურმა გორის კლინიკა „გორმედში“ და სამხედრო ჰოსპიტალში გადაიყვანა.
შსს-ში განაცხადეს, მომხდარზე გამოძიება სსკ-ის 117-ე (ჯანმრთელობის განზრახ მძიმე დაზიანება) და 118-ე (ჯანმრთელობის განზრახ ნაკლებად მძიმე დაზიანება) მუხლებით მიმდინარეობს.
არსებული ინფორმაციით, სოფელ ტყვიავში ახალგაზრდებს შორის შელაპარაკება ჩხუბში გადაიზარდა. ორივე მათგანს სხეულზე ბასრი საგნით მიყენებული ჭრილობები აღენიშნება.
