შიდსთან ბრძოლის საერთაშორისო დღის აღსანიშნად, დღეს, გაეროს მოსახლეობის ფონდი (UNFPA), გაეროს ქალთა ორგანიზაცია (UN Women), და საქართველოს ახალგაზრდების განვითარებისა და განათლების ასოციაცია (GYDEA), საქართველოს უნივერსიტეტთან (UG) თანამშრომლობით მართავს ღონისძიებას გაეროს სახლთან და მრგვალ ბაღში. ღონისძიების ფარგლებში იგეგმება ვიდეორგოლის ჩვენება აივ ინფექციასთან დაკავშირებული საჯარო სერვისებისა და შიდსის პრევენციის შესაძლებლობების შესახებ,რომელიც მომზადდა გაეროს მოსახლეობის ფონდისა და  გაეროს ქალთა ორგანიზაციის მიერ, ინფექციური პათოლოგიის, შიდსისა და კლინიკური იმუნოლოგიისსამეცნიერო-პრაქტიკულ ცენტრთან თანამშრომლობით.

ჩვენების შემდეგ გაიმართება დაჯილდოების ცერემონია, სადაც გაეროს მოსახლეობის ფონდის მიერ გამოცხადებულ ახალგაზრდულ კონკურსში გამარჯვებულებსგადაეცემათ პრიზები და სერტიფიკატები. კონკურსის მიზანი ახალგაზრდებში შიდსითან დაკავშირებული სტიგმისა და დისრკიმინაციის, და აგრეთვე მისი პრევენციისშესახებ ცნობიერების ამაღლება იყო. ღონისძიებას გახსნის ერიკა კვაპილოვა - გაეროს ქალთა ორგანიზაციის წარმომადგენელი საქართველოში, ლელა ბაქრაძე - გაეროსმოსახლეობის ფონდის საქართველოს ოფისის ხელმძღვანელი და ვიკა ბუკია - ჟურნალისტი და ვიდეო რგოლის ავტორი.  ღონისძიება დასრულდება კონცერტით.

შიდსთან ბრძოლის საერთაშორისო დღე ყოველწლიურად 1 დეკემბერს აღინიშნება.

მსოფლიო სტატისტიკით საქართველო მიეკუთვნება აივ ინფექცია/შიდსის დაბალი პრევალენტობის ქვეყნებს, თუმცა 2015 წლის მონაცემებით საქართველოში აივ/შიდსის 5 328 შემთხვევა აღირიცხა, რომელთა უმრავლესობას 29-დან 40 წლამდე ადამიანები წარმოადგენენ. აღსანიშნავია, რომ კავშირი ქალთა მიმართ ძალადობასა და აივვირუსით დაინფიცირების რისკის ზრდას შორის მთელს მსოფლიოში მაღალია. ძალადობის მსხვერპლი ქალები აივ ვირუსით ინფიცირების ერთ-ერთ რისკ ჯგუფსწარმოადგენენ.

ყოველ წელს, გაეროს მოსახლეობის ფონდის საქართველოს ოფისი აღნიშნავს შიდსთან ბრძოლის საერთაშორისო დღეს და ახორციელებს მრავალ აქტივობასმოსახლეობაში ცნობიერების ამაღლების მიზნით ეროვნულ დონეზე. ფონდი აქტიურად უჭერს მხარს მეტ ინვესტირებას ინტეგრირებული აივ/შიდსის და სქესობრივიდა რეპროდუქციული ჯანმრთელობის სერვისებში. უფრო მეტი ძალისხმევითა და ამ მიმართულებით აქტიური მუშაობით შესაძლებელია შიდსის დამარცხება 2030წლისათვის.