გარემოსა და ბუნებრივი რესურსების დაცვის მინისტრი, გიგლა აგულაშვილი საქართველოში გერმანიის ფედერაციული რესპუბლიკის ელჩს, ბეტინა კადენბახს შეხვდა.
შეხვედრაზე ორ ქვეყანას შორის გარემოს დაცვის სფეროში ორმხრივი თანამშრომლობის ძირითადი მიმართულებები განიხილეს.
სამინისტროს განცხადებით, ბიომრავალფეროვნების, დაცული ტერიტორიების, კლიმატის ცვლილებისა და სატყეო სექტორის მიმართულებებით გარემოსდაცვითი პროექტები გერმანიის ეკონომიკური განვითარების და თანამშრომლობის სამინისტროს (BMZ), გერმანიის გარემოს დაცვის, გარემოს კონსერვაციის და ბირთვული უსაფრთხოების ფედერალური სამინისტროს (BMU), გერმანიის რეკონსტრუქციის ბანკის (KfW) და გერმანიის საერთაშორისო თანამშრომლობის საზოგადოების (GIZ) მხარდაჭერით ხორციელდება.
მხარეებმა მომავალი თანამშრომლობის პერსპექტივებიც განიხილეს.
ვისაუბრეთ იმ პროექტებზე, რომლებსაც ჩვენი ქვეყნები ერთობლივად ახორციელებენ - ბიომრავალფეროვნება და კლიმატის დაცვა. ასევე, ვისაუბრეთ სამომავლო გეგმებზე და, რა თქმა უნდა, პარიზის კლიმატის კონფერენციაზე. განვიხილეთ თუ რა მნიშვნელოვანი საკითხები იქნება განსახილველი კონფერენციაზე და რა პრიორიტეტები აქვს საქართველოს. შეხვედრა ძალიან საინტერესო და ნაყოფიერი იყო", _ აღნიშნა საქართველოში გერმანიის ფედერაციული რესპუბლიკის ელჩმა, ბეტინა კადენბახმა.