სირიის არაბთა რესპუბლიკამ აფხაზეთისა და „სამხრეთ ოსეთის“ „დამოუკიდებლობა“ აღიარა, – ამის შესახებ ინფორმაციას სირიული მედია ავრცელებს.

მათივე ინფორმაციით, სირიის საგარეო საქმეთა სამინისტროში აცხადებენ, რომ მხარეებმა ურთიერთაღიარების ხელშეკრულება გააფორმეს.

ინფორმაციას ადასტურებს ცხინვალის ე.წ. საგარეო უწყება, სადაც აღნიშნავენ, რომ სირიისა და „სამხრეთ ოსეთის“ ერთმანეთის აღიარებისა და დიპლომატიური ურთიერთობების დამყარების შესახებ გადაწყვეტილება დღეიდან შედის ძალაში.

ინფორმაციას ასევე ადასტურებენ ოკუპირებული აფხაზეთში. დე ფაქტო პრეზიდენტმა რაულ ხაჯიმბამ განაცხადა, რომ აფხაზეთსა და სირიის არაბულ რესპუბლიკას შორის დიპლომატიური ურთიერთობების დამყარების შესახებ შეთანხმება დაიდო.