ისრაელში პოლიციელებმა პალესტინელი თავდამსხმელი მოკლეს
ისრაელელმა პოლიციელებმა იორდანეს დასავლეთ სანაპიროზე ახალგაზრდა პალესტინელი მოკლეს. ეს მას შემდეგ მოხდა, რაც დანით შეიარაღებული პალესტინელი ისრაელელთა დასახლებაში თავს მოქალაქეებს დაესხა. ერთ-ერთმა მათგანმა სხეულის მსუბუქი დაზიანება მიიღო. ბოლო 2 თვის განმავლობაში პალესტინელთა თავდასხმებს ისრაელში 19 ადამიანი ემსხვერპლა. მოკლულია 100-მდე პალესტინელი. თავდამსხმელთა უმრავლესობა პოლიციელებმა მოკლეს.
