დანაშაულში მონაწილე პირები საგამოძიებო ორგანომ პასუხისგებაში შეგნებულად არ მისცა, - ამის შესახებ ხორავას ქუჩაზე მომხდარ მკვლელობაში ერთ-ერთ ბრალდებულის ადვოკატმა განაცხადა.

მისი თქმით, სასამართლოში დადასტურდა, რომ არიან პირები, რომლებმაც დავით სარალიძის განზრახ მკვლელობა განახორციელეს და არც ერთი მათგანი პასუხისგებაში არ არის მიცემული.

"ჩემი დაცვის ქვეშ მყოფს, რომელსაც ბრალი ედებოდა დავით სარალიძის მკვლელობაში, არ მოუკლავს დავით სარალიძე. მაშინ ისმის კითხვა, ვინ მოკლა დავით სარალიძე. მეორე ბრალდებული დავით სარალიძის განზრდახ მკვლელობაში სრულად გამართლდა. ანუ, დავით სარალიძის მკვლელობაში ორი ბრალდებული იყო დაკავებული. ერთი სრულად, მეორე კი, ნაწილობრივ გამართლდა განზრახ მკვლელობაში. ვინ მიაყენა ის სადისტური ჭრილობები დავით სარალიძეს? სწორედ ამას ვამბობდით პირველივე დღიდან, რომ ეს იყო გამოუძიებელი საქმე. დანაშაულში მონაწილე პირები საგამოძიებო ორგანომ პასუხისგებაში შეგნებულად არ მისცა. სასამართლოში დადასტურდა, რომ არიან პირები, რომლებმაც დავით სარალიძის განზრახ მკვლელობა განახორციელეს და არც ერთი მათგანი პასუხისგებაში არ არის მიცემული. უკვე საზოგადაოებას არანაირი შეკითხვა არ უნდა ჰქონდეს, თუ რატომ ვამბობდით, რომ რეალური დამნაშავეები გარეთ დადიოდნენ", - განაცხადა კაკაბაძემ. 

ცნობისთვის, ხორავას ქუჩაზე მომხდარი მკვლელობის საქმეზე მოსამართლემ გადაწყვეტილება რამდენიმე წუთის წინ გამოიტანა.